“Aqrarkredit” QSC bank olmayan kredit təşkilatı (BOKT) 2023-cü il üzrə konsolidə edilmiş maliyyə hesabatını açıqlayıb.

Borsa.az  təşkilatın konsolidə edilmiş maliyyə vəziyyəti haqqında hesabatına istinadən xəbər verir ki, “Aqrarkredit” BOKT-un xalis mənfəəti əvvəlki illə müqayisədə 3.2 dəfə artaraq 3 milyon 404,9 min manat təşkil edib. 2022-ci ildə təşkilatın xalis mənfəəti 1 milyon 74.8 min manat təşkil etmişdi.

Hesabat dövründə təşkilatın faiz gəlirləri 12.2% artaraq 19 milyon 174.7 min manat, mənfəət vergisindən əvvəlki gəlirləri isə 3 dəfə artaraq 4 milyon 470.4 min manat təşkil edib.

Ötən il BOKT-un cəmi aktivlərinin həcmi əvvəlki illə müqayisədə 5.5% və ya 661 milyon 297.7 min manat azalaraq 11 milyard 346.9 milyon manat manat olub. Hesabat dövründə təşkilatın müştərilərə verdiyi kredit (kredit portfeli) əvvəlki illə müqayisədə 37.6% artaraq 157 milyon 320.3 min manat təşkil edib.

Bu dövrdə təşkilatın cəmi öhdəliklərinin həcmi 5.6% və ya 662 milyon 147.3 min manat azalaraq 11 milyard 294,7 milyon manata bərabər olub. BOKT-un borc qiymətli kağızları isə 662 milyon 147 min manat azalaraq 11 milyard 252,1 milyon manat təşkil edib.

2024-cü il yanvar ayının 1-nə “Aqrarkredit” BOKT -un cəmi kapitalı 52 milyon 172 min manata bərabər olub ki, bu da illik müqayisədə 6.5% çoxdur.