"İnter Mayami"nin sahibi Devid Bekhem əfsanəvi argentinalı hücumçu Lionel Messini transfer etməklərinin səbəbini açıqlayıb.

Borsa.az AS-a istinadən xəbər verir ki, o, bunu təkcə "İnter Mayami" üçün deyil, bütün ABŞ üçün etdiklərini deyib:

“Bu qədər maneələrdən keçmək və sonra da Messini MLS-də meydanda görmək sadəcə inanılmazdır. Həmişə deyirdim ki, Leonu Amerikaya təkcə “İnter Mayami” üçün deyil, bütün ölkə, MLS, ümumiyyətlə, idman üçün gətirmişəm.

Mən indi Amerika və Kanadanın istənilən stadionuna gəlib Messi kimi hücumçuya baxa biləcək yeni nəsil uşaqları ruhlandırmaq istədim”.

Xatırladaq ki, Messi ötən yay PSJ-dən ayrıldıqdan sonra "İnter Mayami"yə keçib.