Azərbaycan Respublikasının Qida Təhlükəsizliyi Agentliyi ölkəyə idxal olunan qida məhsullarına nəzarət tədbirlərini davam etdirir.

Borsa.az xəbər verir ki, tədbirlər çərçivəsində fiziki şəxs Səfail Zəki oğlu Qənbərov tərəfindən İran İslam Respublikasında fəaliyyət göstərən "Ariashimi" müəssisəsindən idxal olunan 6 739 kiloqram pestisid məhsulundan (Bordo aria 20% SC, funqisid) götürülən nümunələrin müayinəsi nəticəsində məhsulun təsiredici maddəsinin normativ sənədin tələblərinə cavab vermədiyi müəyyən olunub.

Aşkar edilmiş faktla bağlı məhsulun geri qaytarılması və ya məhv edilməsi ilə bağlı qərar qəbul olunaraq, Dövlət Gömrük Komitəsinin əməkdaşlarının iştirakı ilə məhsul partiyası İran İslam Respublikasına geri qaytarılıb.